rukhsat hoa to meri baat maan ker gayaa
jo us k paas tha woh mujhay daan ker gaya
bichra kuch is ada sey k rut he badal gai
ek shakhs saray sheher ko weraan ker gaya
dil chusp waqiya hai k kal ek aziz dost
apne mufaad per mujhay qurbaan ker gayaa
kitni sudher gai hai judai main zindagi
haan woh jafa se to mujh per ehsaan ker gaya
AZHAR mai baat baat per kehta tha jisko jaan
woh shakhs aakhir mujhay bay jaan ker gaya
Advertisements
0 comments:
Post a Comment